گهیځ
ګهیځ نیوز: نن سې شنبه (د غبرګولی یا جوزا ۱۰مه او د مۍ میاشتې ۳۱مه نېټه ده) د افغانستان کرېکټ بورډ اعلان وکړ چې د شپږیزې لیګ سږنۍ سیالۍ به په جولای میاشته کې ترسره شی.
کرېکټ بورډ نن په یوه خبرپاڼه کې ویلی چې په دې تړاو د دوی مشرتابه او د شپږیزې لیګ امتیاز لرونکو غونډه هم وکړه.
خبرپاڼه کې راغلی چې ډېر ژر به دغه لیګ ته د لوبغاړو د پېرلو مراسم هم ترسره شی.
شپږیزه د افغانستان د کرېکټ کورنی لیګ دی چې سږ کال یې اتم پړاو ترسره کېږی.
دغه لیګ کې پخوا یو شمېر بهرنیو لوبغاړو هم ګډون کړی دی.
