ګېټس بنسټ د افغانستان له پېښو سره د مبارزې ادارې سره د همکارۍ ډاډ ورکړ

کابل-ګهیځ نیوز(د سلواغې / دلو ۲۴ مه نېټه)

د ګهیځ نیوز د خبر له مخې پېښو سره د مبارزې ادارې رییس نورالدین ترابی د ګېټس بنسټ له مشاورې انا ماریا سره په کابل کې کتلی او د بشری مرستو، ناچاوده توکو د عامه پوهاوی او د طبیعی پېښو د مدیریت په برخو کې یې د همکارۍ پر پراخولو خبرې کړی.

په دې ناسته کې نورالدین ترابی د ګېټس بنسټ له تېرو مرستو مننه کړې او له دې بنسټه یې غوښتنه کړې، چې د افغانستان له اړمنو وګړو سره خپلو بشری مرستو ته دوام ورکړی.

هغه زیاته کړه چې د پېښو سره د مبارزې اداره هڅه کوی، چې د ناورینونو مخنیوی او مدیریت ته ځانګړې پاملرنه وکړی او په دې برخه کې د نړیوالو مرستو دوام اړین دی.

په ورته مهال د ګېټس بنسټ مشاورې انا ماریا ویلی، یاد بنسټ به له پېښو سره د مبارزې ادارې سره خپلې مرستې او همکارۍ ته دوام ورکړی.

هغې همداراز پر نورو نړیوالو سازمانونو او خیریه بنسټونو هم غږ کړی، چې د افغانستان له اړوندو ادارو سره د بشری مرستو په برخه کې همکاری وکړی.

دا ناسته په داسې حال کې ترسره شوې، چې افغانستان د طبیعی پېښو، وچکالۍ او د ناچاوده توکو د ګواښ له ستونزو سره مخ دی.

ـــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/