گهیځ
کابل-ګهیځ نیوز( د سرطان/ چنګاښ ۲۷ مه نېټه):
د راپورونو له مخې د ملګرو ملتونو د ماشومانو وجهي صندوق یا یونسېف ويلي، د روان کال له پیله تر اوسه په افغانستان کې تر ۴۵۰ زرو زیاتو کسانو پاکو اوبو ته لاسرسی پیدا کړی دی.
د ملګرو ملتونو دغه دفتر د یو ټویټ په کولو سره ویلي، چې څاه ګانې یې کېندلي او ترمیم کړي او د اوبو رسولو داسې تاسیسات یې جوړ کړي، چې د لمر په انرژۍ چلیږي.
د یونسېف مسوولینو همدا راز زیاته کړې، چې د خلکو د کورونو مخې ته یې د اوبو نلونه مستقیماً رسولي دي، مګر بیا هم د دوی په وینا د څښاک د اوبو کمښت ډېر د پام وړ دی.
دوی وایي، په لویو ښارونو کې بیا هم د څښاک پاکو اوبو نشتون لویه ستونزه ده.
بل لور اوچا یا د ملګرو ملتونو د بشري مرستو د همغږۍ دفتر ويلي، چې په افغانستان کې وچکالي زیاته شوې او د ژوند د امکاناتو د نشتوالي له امله بې وزلۍ زور موندلی.
دوی زیاته کړې، چې د وچکالۍ په پایله کې د افغانستان په ډېرو سیمو کې د اوبو کچه ټیټه شوې او په ځینو سیمو کې تر ځمکې لاندې اوبه څو سوه مترو ته ښکته شوې دي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/