گهیځ
کابل-ګهیځ نیوز(د لیندۍ / قوس ۱۴ مه نېټه)
د ګهیځ نیوز د خبر له مخې د پانګونې بین الوزارتي کمېټې د نوبتي ناستې پرمهال د هېواد په بېلابېلو ولایتونو کې د لمریزې برېښنا د تولید او یو شمېر نورو اقتصادي طرحو په اړه بحث کړی.
د سرپرست حکومت اقتصادي معاونیت ویلي، د پانګونې بین الوزارتي کمېټې ناستې ته د خصوصي سکټور له لوري په کاپیسا، هرات او کابل کې د لمریزې برېښنا د تولید او همدا رنګه په کندهار کې د لمریزې برېښنا زېرمه کولو په موخه د بټریو د نصب، د هېواد په لسو مهمو بندرونو کې د کرنیزو او خوراکي توکو د کېفیت د کنټرول په موخه د لابراتوارونو د جوړولو او په هرات کې د پستې باغونو او بېلابېلو مېوه لرونکو ونو د سوداګریزې قوریې جوړولو طرحې د بحث لپاره وړاندې شوې دي.
دغه ناسته کې جلا – جلا کمېټو ته دندې سپارل شوې چې د طرحو له وړاندې کوونکو شرکتونو سره تخنیکي او اقتصادي بحثونه ترسره او خپل وروستي راپورونه په ټاکل شویو نېټو د پانګونې بین الوزارتي کمېټې ته وړاندې کړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/