گهیځ
ګهیځ: نن یکشنبه (د سلواغې ۲۴مه) د غزنی د سوداګرۍ او پانګونې خونه وایی، په دې ولایت کې د صادراتو او وارداتو بهیر په نورمال ډول روان دی.
د دې خونې مشر عبدالمتین قلندری رسنیو ته وویل، له وروستیو سیاسی تحولاتو وروسته دې ولایت کې د څه مودې لپاره صادرات او واردات کم شوی وو، خو له دوو میاشتو راهیسې په نورمال ډول روان دی.
ښاغلی قلندری وایی، د دې ولایت سوداګرو، ممیز، بادام، د رېشقې او د شوتلې تخم هند، پاکستان او روسیې ته صادر کړی چې بدل کې یې خوراکی توکی او برېښنایی وسایل وارد کړی دی.
که څه هم ښاغلی قلندری د غزنی ولایت د صادراتو او وارداتو په اړه کره ارقام وړاندې نه کړل، خو ویې ویل چې په روان لمریز کال کې افغانستان له یو میلیارډ څخه ډېر صادرات درلودل.
