گهیځ
ګهیځ نیوز: نن پنجشنبه (د غبرګولی یا جوزا ۵مه او د مۍ میاشتې ۲۶مه نېټه ده) د افغانستان د کرېکټ ملی لوبډلې د توپ اچوونې تازه ټاکل شوی روزونکی عمر ګل وایی، د خوارېکښو افغان لوبغاړو د روزنې دنده به په لیوالتیا مخکې وړی.
د افغانستان کرېکټ بورډ پرون ناوخته پر خپله وېبپاڼه کې ولیکل، چې د پاکستان تېز توپ اچوونکی عمرګل یې د افغانستان د کرېکټ ملی لوبډلې د توپ اچونې روزونکی ټاکلی دی.
عمر ګل تر دې مخکې د لنډ وخت لپاره د افغان لوبډلې د روزنې دنده منلې وه خو اوس د اوږد مهال لپاره ورسره تړون شوی دی.
عمر ګل پر خپله ټوېټر پاڼه لیکلی دی چې له افغان لوبډلې سره له لنډمهالې دندې وروسته په لیوالتیا د اوږد مهالې دندې مسولیت منی.
۳۹ کلن عمر ګل د پاکستان لپاره د ټېسټ کرېکټ په ۴۷ لوبو کې ۱۶۳ وېکېټې په ۱۳۰ یو ورځنیو لوبو کې ۱۷۹ او په ۶۰ شل اوریزو لوبو کې یې ۸۵ وېکټې اخیستی دی.
