گهیځ
ګهیځ: نن یکشنبه (د کب ۲۹مه او د مارچ ۲۰مه نېټه ده) دقندهار په ښور اندام صنعتی ښارګوټی کې د څه باندې ۲۱۷مېلیونو افغانیو په لګښت داوسپنې ویلو کولو فابریکې رغنیزې چارې پیل شوې.
د قندهار د صنایعو او کانونو خونې سید محمد سرور آغا امانی رییس وایی چې یاده فابریکه په ۱۲جریبه ځمکه کې جوړیږی او چارې به یې د ۱۵ میاشتو په موده کې بشپړې شی.
د نوموړی په خبره، دغه فابریکه به پر اوسپنې ویلی کولو سربېره له ۵ څخه تر ۷ ټنو پورې د ګول سیخ او انګلارن د تولید ظرفیت هم ولری چې له ۹۰ څخه زیاتو کسانو ته به په کې د کار زمینه هم برابره شی.
