گهیځ
ګهیځ نیوز: نن پنجشنبه (د وري ۱۱مه او د مارچ ۳۱مه نېټه ده) یادې غونډې ته د افغانستان اسلامي امارت د بهرنیو چارو وزیر مولوي امیر خان متقي هم ور بلل شوی دی.
امیرخان متقي پرون د دغې غونډې په څنډه کې د ترکمنستان د بهرنیو چارو له وزیر رشید مرادوف سره هم کتلي وو.
په دې ناسته کې د کانونو او پټرولیم وزیر شیخ شهاب الدین دلاور او د اقتصاد وزیر قاري دین محمد حنیف هم حضور درلود.
د بهرنیو چارو د وزارت ویاند عبدالقهار بلخي وویل، چې د خبرو محوري موضوعات ټاپي، ټاپ او د افغانستان او ترکمنستان ترمنځ سوداګري او دوه اړخیزه همکاري وه.
د بلخي په وینا، د ترکمنستان د بهرنیو چارو وزیر څرګنده کړه، چې د ټاپې پروژې د عملې چارو د پیلولو تر څنګ د اورګاډي پټلۍ او نورو پروژو ته، چې له افغانستان څخه تیريږي، چمتو والی لري.
د افغانستان د بهرنیو چارو وزیر ویلي، چې وزارت به یې د ټاپي او نورو سترو پروژو د پلي کېدو لپاره د اسانچارۍ ټولې هڅې په لار واچوي.
دې غونډې ته د افغانستان لپاره د امریکا ځانګړی استازی ټوماس وېسټ هم ورغلی.
د امریکا د بهرنیو چارو وزارت هم منلې چې د افغانستان لپاره ځانګړی استازی به یې په چین کې د افغانستان په اړه د ترویکاپلس په نوم غونډه کې ګډون وکړي.
ټاکل شوې چې په نننۍ غونډه کې به دافغانستان پر سیاسي، اقتصادي او یو شمېر نورو موضوعاتو خبرې وشي.
