گهیځ
کابل-ګهیځ نیوز(د سلواغې / دلو ۳۰ مه نېټه)
د ګهیځ نیوز د خبر له مخې افغان حکومت د کابینې په ۱۶مه غونډه کې د برېښنا لېږد چټکتیا، پراختیايي پروژو پلې کولو او د اړوندو وزارتونو همغږي کولو په اړه مهمې پرېکړې وکړې.
په غونډه کې د دولتي شرکتونو لوی ریاست ته دنده وسپارل شوه، چې د برېښنا رسونې بهیر چټک کړي او اړین اقدامات دې ترسره کړي.
د دې ترڅنګ، اداري مرستیال ته هم دنده وسپارل شوه، چې د اوبو او انرژۍ وزارت او برېښنا شرکت استازو سره ناسته وکړي، څو د برېښنا په برخه کې کاري استقامتونه روښانه او همغږي پیاوړې شي.
همدارنګه اقتصاد وزارت ته دنده ورکړل شوه، چې د پراختیايي پروژو پلې کولو لپاره د ټولو ادارو سره همغږي وکړي او د پراختیايي بودیجې لګښتونه او د پروژو پر وخت پلي کولو موضوعات تعقیب کړي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/