ننګرهار کې ۱۵۰ ټنه بې کېفیته غوړی یوې فابریکې ته د صابن جوړولو لپاره وسپارل شول کابل-ګهیځ نیوز( د اسد/ زمری ۳۱ مه نېټه): د ګهیځ نیوز د خبر له مخې د خوړو او درملو ملی ادارې ویلی، ننګرهار کې یې ۱۵۰ ټنه بې کېفیته غوړی د صابون جوړولو یوې فابریکې ته سپارلی دی. د خبر پر بنسټ، د دغې ادارې ویاند جاوید هژیر ویلی، چې دغه بې کېفیته غوړی یې د ننګرهار په ګمرک کې ضبط کړی وو، چې د ننګرهار ولایت د اړوندو ادارو د استازو په شتون کې د صابون جوړونې یوې فابریکې ته ورکړل شول. که څه هم دغې ادارې دا نه ده په ډاګه کړې، چې دا بې کېفیته غوړی چېرته تولید شوی وو، خو د ننګرهار له ګمرکه تر ډېره د پاکستان تولیدی توکی افغانستان ته راځی. د خوړو او درملو ادارې زیاته کړې، د دوی لابراتوارونو مشخصه کړې چې له دغو بې کېفیته غوړیو استفاده د انسان وجود ته زیان اړوی. ـــــــــــــــــــــــ ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځنی، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوی. ګهیځ نیوز، د اطلاع رسونې باوری سرچینه زموږ خبری ادرسونه👇 Telegram: https://t.me/+Vy۹GsPl۹۰MY۳NjVl twitter: https://twitter.com/GaheezAgency Web: https://www.gaheez.af/ FB page: https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/