گهیځ
کابل-ګهیځ نیوز( د میزان/ تلې ۵ مه نېټه):
د ګهیځ نیوز د خبر له مخې د تازه مېوو يو شمېر سوداګر وايي، تورخم دروازه کې يو ځل بيا پر تازه مېوو بار افغان لاريو ته پاکستاني لوری اجازه نه ورکوي، چې له کرښې واوړي.
دوی وايي، له تېرو درې ورځو راهيسې يې موټرې پر انګورو بار ولاړې دي، خو پاکستان په دې بهانه چې دا انګور د افغانستان نه، بلکې د تاجکستان دي، د اوښتو اجازه نه ورکوي.
بل لور ته د افغانستان او پاکستان د ګډې سوداګرۍ خونې يو مسوول خان جان الکوزي هم تاييد کړې، چې دوی خپلو سوداګرو ته تصديقونه هم ورکوي، خو بيا هم پاکستاني لوری اجازه نه ورکوي.
وروسته له هغه چې د سپټمبر په شپږمه نېټه د افغان او پاکستاني پوله ساتو ترمنځ نښته وشوه، دا درېيم ځل دی چې پاکستان پر تازه مېوو او سبزيجاتو بار موټرې په بېلابېلو پلمو دروي او پرمخ یې د تورخم دروازه تړي.
ـــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳