گهیځ
کابل-ګهیځ نیوز( د عقرب/ لړم ۶ مه نېټه):
د راپورونو له مخې د ټولګټو چارو وزارت ویلي، د سالنګ لویې لارې د درېیمې برخې د بیارغونې چارې پیل شوې دي.
له دغه وزارت څخه په خپره شوې خبرپاڼه کې راغلي، چې د لويې لارې دغه برخه له خنجان ولسوالۍ څخه تر دوشي ولسوالۍ پورې غځیږي، ۲۱ اشاریه ۳ کيلومتره اوږدوالی او ۷ متره سور لري.
د دې برخې د بیارغونې په چارو کې مصنوعي ودانۍ، د پلونو او پلګوټو، کانکریټي خنډونو او استنادي دېوالونو رغونه په پام کې نیول شوي دي.
د ټولګټو چارو وزارت چارسمبالي د دې لویې لارې د بیارغونې د چارو د پرانیستې پرمهال له ۱۶ نمبر تونل او ګالرۍ څخه هم لیدنه کړې او قراردادي شرکت ته یې د ګړندي کار، ښه کېفیت او په خپل وخت د بشپړېدو په اړه سپارښتنې کړې دي.
د سالنګ د لویې لارې د ۸۰ کیلومتره سړک د بیارغونې چارې شاوخوا درې میاشتې مخکې پیل شوې دي.
ـــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/