گهیځ
کابل-ګهیځ نیوز( د قوس/ لیندۍ۲۶ نېټه):
وروسته له هغې چې د پاکستان لاهور ښار د نړۍ په کچه تر ټولو ککړ ښار وپېژندل شو، پاکستاني چارواکو ویلي، چې د دغه هېواد په لاهور ښار کې یې د دغې هوا د ډېرې ککړتیا سره د مبارزې لپاره په لومړي ځل مصنوعي باران ورولی دی.
د پاکستاني رسنیو د خبر له مخې دا باران د الوتکو په وسیله چې د باران ورېدو په ځانګړو وسایلو سمبالې وې، د لاهور ښار په څه باندې ۱۰ ځایونو ورول شوی دی.
پاکستان په نړۍ کې یو له هغو هېوادونو څخه دی چې هوا په کې ډېره ککړه وي او دا لومړی ځل دی چې د دې ستونزې د حل لپاره په کې د مصنوعي باران تجربه ترسره کیږي.
د پنجاب ولایت اعلی وزیر محسن نقوي ویلي، د مصنوعي باران ورېدو دا وسایل ورته د عربي متحده اماراتو لخوا د مرستې په توګه ورکړل شوي دي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/