گهیځ
کابل-ګهیځ نیوز( د ثور لومړۍ نېټه):
د ګهیځ نیوز د خبر له مخې د اوبو او برېښنا وزارت وایي، په نیمروز ولایت کې د کمال خان بند د رغونې چارې وروستي پړاو ته رسېدلي او ډېر ژر به ګټې اخیستنې ته وسپارل شي.
د یاد وزارت ویاند ويلي، دغه بند چې د ۵۲ میلیونه متر مکعبه اوبو ظرفیت لري، ۹۹ سلنه کارونه یې پر مخ تللي چې په بشپړېدو سره به یې شپږ میګاواټه برېښنا تولید شي.
په ورته مهال د کرنې او مالدارۍ وزارت د کرنیزو ځمکو د خړوبولو په برخه کې د اوبیزو بندونو جوړول، د کرنیزو توکو د حاصلاتو د زیاتوالي او هېواد کې د وچکالۍ د مخنیوي په برخو کې اغېزمن ګڼي او ټینګار کوي، چې د اوبو له مدیریت سره افغانستان له وارداتي هېواد څخه پر صادراتي هېواد بدل شي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/