سېلاب ځپلو لپاره د ترکیې هېواد د مرستو لومړۍ جوپه د بلخ هوایي ډګر ته رسېدلې

کابل-ګهیځ نیوز( د ثور ۲۹مه نېټه):

د ګهیځ نیوز د خبر له مخې د بغلان سېلاب ځپلو لپاره د ترکيې هېواد د بشري مرستو لومړۍ جوپه د مزارشريف هوايي ډګر ته رسېدلې ده.

دغه ولایت کې د درملو او خوراکي توکو د ملي ادارې رییس وايي، په دغو مرستو کې ۷ ټنه درمل، ۱۵ ټنه خوراکي توکي او ۲ زره کمپلې شاملې دي، چې د بلخ ولایت سیمه ییزو چارواکو ته سپارل شوي.

ترکیه په داسې مهال دغه مرستې رالیږي، چې د ملګرو ملتونو د بشري مرستو د همغږۍ دفتر یا اوچا ویلي، د افغانستان په شمالي ولایتونو کې د وروستیو سېلابونو له امله زیانمن شوي کسان ډېرو نورو مرستو ته اړتیا لري.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/