گهیځ
کابل-ګهیځ نیوز(د جوزا ۸مه نېټه):
د ګهیځ نیوز د خبر له مخې د افغان حکومت د بهرنیو چارو وزارت د یوې اعلامیې په خپرولو سره د فلسطیني دولت د رسمیت پېژندنې په اړه د آیرلېنډ جمهوریت او ناروې او هسپانیې شاهي دولتونو پرېکړه مثبت ګام بللی او هرکلی یې کړی.
د اعلامیې له مخې دا پرمختګ په داسې حال کې رامنځته کیږي، چې صهیونيستي اشغال د فلسطین پر تاریخي خاوره د تېري ترڅنګ په غزه کې د فلسطیني ملت د ټول وژنې په جنگي جنايت د ډيموگرافيک بدلون هڅه کوي.
د اعلامیې له مخې د بهرنیو چارو وزارت په داسې حال کې چې د فلسطین خاوره د فلسطیني ملت تاریخي مشروع حق بولي، د صهیونستي اشغالګرو له لوري روانه نسل وژنه په سيمه کې د بې ثباتۍ بنیادي عامل ګڼي او په کلکو ټکو یې غندي.
اعلامیه کې افغان حکومت له نړیوالې ټولنې او خصوصا اسلامي هېوادونو غږ کړی، چې د خپل مسوولیت او فلسطیني ملت د آزادۍ او دفاع د حق له مخې د روان ناورین مخنیوي لپاره عاجل اقدامات وکړي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/