د اسراییلی پوځ لیکو کې د ماتې نښې څرګندې شوی

کابل-ګهیځ نیوز(د جوزا ۱۴مه نېټه):

د ګهیځ نیوز د خبر له مخې یوې معتبرې اسراییلی رسنۍ د خپلو سرچینو په حواله راپور ورکړی، چې د اسراییلی پوځ ۶۱ سلنه دایمی افسران د خپلو دندو له تمدید نه په شاه شوی دی.

د یدیعوت احرنوت اسراییلی ورځپاڼې ویلی، چې اسراییلی پوځ کې د دندې مودې د نه تمدید دا شمېره د اکتوبر د ۷ مې نېټې له حملې مخکې ۵۴ سلنه وه، چې د پخوا په پرتله اوس ۷ سلنه زیاته شوې ده.

له اداری فساد سره د مبارزې اسراییلی کمېسیون سروې ښیی، چې پوځ کې ژور خپګان د پوځیانو کورنیو ته د زیان وېره او معاشاتو کې د پام وړ کموالی له پوځ د افسرانو د تېښتی عمده ټکی دی.

د یادونې ده، چې په غزه کې د صهیونیستی رژیم تر اټکل پورته د فلسطینی مقاومت دوام او غزه کې د روان وحشت له امله له اسراییلی سوداګریزو شرکتونو سره د ځینو هېوادونو د راکړې – ورکړې پرېکون اشغالګر رژیم له سخت اقتصادی بحران سره مخ کړی دی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/