گهیځ
کابل-ګهیځ نیوز(د سرطان ۱۲ مه نېټه)
د ګهیځ نیوز د خبر له مخې په دوحه کې د افغانستان په تړاو د ملګرو ملتونو دوه ورځنۍ ناسته پای ته ورسېده.
د خبر پر بنسټ په دې دوه ورځنۍ ناسته کې د شاوخوا ۲۵ هېوادونو او پنځو نړیوالو سازمانونو استازو د افغانستان سرپرست حکومت له پلاوي سره د رسنیو له حضور پرته خبرې وکړې.
دې ناستې ته د سرپرست حکومت پلاوي پر خپلې ټویټر پاڼې لیکلي، چې د افغانستان پیغامونه ټولو ګډونوالو هېوادونو ته ورسېدل.
نوموړي زیاته کړې، چې افغانستان د خصوصي سکتور سره د همکارۍ او د نشه یي توکو پر وړاندې د مبارزې او بدیل معیشت په برخه کې د هېوادونو همکارۍ ته اړتیا لري، چې اکثره هېوادونو په دې برخه کې د همکارۍ خبره وکړه.
په سولې او سیاسي چارو کې د ملګرو ملتونو د سرمنشي مرستیالې روزماري دي کارلو هم چې د دې ناستې مشري یې کوله، د یادې غونډې په پای کې وویل، هیله منده ده چې د افغانستان له سرپرست حکومت سره د ترسره شويو خبرو او تعامل له لارې د حکومتولۍ برخه کې پرمختګونو راشي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/