ننګرهار کې د ګرمې هوا شدت خلکو کې د پوستکی ناروغی ۴۰ سلنه لوړه کړې

کابل-ګهیځ نیوز(د سرطان ۲۳ مه نېټه)

د ګهیځ نیوز د خبر له مخې د ننګرهار ولایت د عامې روغتیا رییس ویلی، چې د ګرمې هوا شدت له امله خلکو کې د پوستکی ناروغی ۴۰ اشاریه ۶ سلنه لوړه شوې ده.

د ننګرهار عامې روغتیا رییس په وینا د دې ناروغۍ سربېره د شری، نس ناستی، ډنګی او ملاریا ناروغی هم د ګرمې هوا له امله زیاته شوې ده.

نوموړی ډاډ ورکوی، چې د عامې روغتیا ریاست ګرځنده ټیمونه ساحو کې ګمارل شوی او د یادو ناروغیو مخنیوی لپاره یې د عامه پوهاوی پروګرامونه هم زیات کړی دی.

ډاکټران د دغو ناروغیو مخنیوی لپاره د پشه خانو د کارولو ترڅنک د پاکو اوبو او تازه مېوو استعمال اړین بولی.

د ننګرهار د انتانی ناروغیو د روغتون یو متخصص ډاکټر پاک چاپېریال او پاک خواړه د دغو ناروغیو مخنیوی لپاره اغېزمن ګڼی.

بل لور د ننګرهار چاپېریال ساتنې ریاست هم له خلکو غواړی، چې د ناروغیو مخنیوی لپاره باید خپل چاپېریال پاک وساتی او دوی سره دې د چاپېریال په پاک ساتلو کې همکار شی.

د ننګرهار مرکز جلال آباد او شاوخوا ولسوالۍ د اوړی په موسم کې د تودوخې له لوړې درجې سره مخ کیږی، چې روغتیا پالان په کې د ناروغیو مخنیوی لپاره د خپلو هڅو په دوام له خلکو څخه د حفظ الصحې اصولو ته جدی پاملرنه غواړی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/