خوست، پکتيا او پکتيکا کې د ۴۰ ميليونه ډالرو په لګښت پروژې پلې کیږي

کابل-ګهیځ نیوز(د زمری/اسد ۲۷ مه نېټه)

د ګهیځ نیوز د خبر له مخې په افغانستان کې د ملګرو ملتونو د استازولۍ دفتر خبر ورکړی، چې په خوست، پکتيا او پکتيکا ولایتونو کې به د ۴۰ ميليونه ډالرو په لګښت پراختیايي پروژې پلې کړي.

د یاد دفتر مرستیال اندريکا رتواتي دا څرګندونې د خوست په تڼيو ولسوالۍ کې د يو جوړ شوي استنادي دېوال د پرانیستنې په مراسمو کې کړې دي.

تڼیو کې دا ۲۴۵ متره اوږد استنادي دېوال، د افغانستان لپاره د ځانګړي وجهي صندوق په مالي همکارۍ د ملګرو ملتونو د بشري استوګنځايونو ادارې له خوا جوړ شوی دی.

رتواتي د څو لسیزو جګړو له امله دا سیمه د بیارغونې په برخه کې محرومه یاده کړې او د ۴۰ میلیونه ډالرو په ارزښت د نورو پروژو د عملي کولو ژمنه یې کړې.

سویل ختیځه حوزه د افغانستان یو له هغو سیمو ده، چې د تېرو جګړییزو ناخوالو ترڅنګ یې وګړو ته دې وروستیو کې سېلابونو او نورو طبیعي افاتو هم لوی زیانونه اړولي دي.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/