گهیځ
کابل-ګهیځ نیوز(د تلې/ میزان ۲۳ مه نېټه)
د ګهیځ نیوز د خبر له مخې د هېواد پخواني ولسمشر حامد کرزي په خېبر کې د پښتنو د سترې قومي جرګې پر بریالي جوړېدو خوښي ښودلې او په سیمه کې يې د ستونزو د هوارولو لپاره نیک او اغېزناک ګام بللی.
د حامد کرزي له دفتره په خپره شوې خبرپاڼه کې ویل شوي، چې نوموړی د دې قومي جرګې له پرېکړه لیکه خپل کلک ملاتړ اعلانوي.
کرزي د جرګې د هغه غږ چې په افغانستان کې د نجونو د زده کړو لپاره وشوه ستاینه او قدردانی وکړ.
نوموړي ویلي، جرګه یو ارزښتناک تاریخي دود دوی او د ستونزو د حل لپاره موثره لاره ده.
کرزي ویلي، د خېبر په جرګه کې د ښځو پراخ گډون او د زده کړو پر ارزښت د ټولو ټینګار دا ښيي چې په سیمه کې مېشت خلک د امن او متمدن ژوندانه غوښتونکي دي.
هغه د سیمې د خلکو د حقونو د ترلاسه کولو او د دې جرګې د جوړولو لپاره د منظور پښتین د نه ستړې کېدونکو هلو ځلو او ولسونو له ګډون څخه مننه هم کړې ده.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/