د سرطانی ناروغانو د درملنې لپاره د ډاکټرانو یوه ډله کابل ته راغلې

کابل-ګهیځ نیوز(د لړم / عقرب ۱۲ مه نېټه)

د ګهیځ نیوز د خبر له مخې هېواد کې د سرطانی ناروغانو د درملنې لپاره له کاناډا څخه د افغان او کاناډایی ډاکټرانو یوه ګډه ډله کابل ته راغلې.

د مسوولینو په وینا یادو ډاکټرانو په علی آباد تدریسی روغتون کې ګڼ پېچلی عملیاتونه ترسره کړی دی.

۵۴ کلن ډاکټر، احمدشاه اشرفی چې د دغې ډلې یو تن دی، له دوو لسیزو زیاته موده یې په کاناډا کې د صدری جراحۍ برخه کې کار کړی.

نوموړی له خپلې شپږ کسیزې ډلې سره د علی آباد په تدریسی روغتون کې د صدری جراحی پېچلی عملیات ترسره کوی.

د احمد شاه اشرافی کاناډایی همکاران کابل ته له راتګه خوشالی څرګندوی او وایی، افغان روغتیاپالانو ورسره په بېلابېلو برخو کې ښې تجربې شریکې کړې.

په ورته مهال د علی آباد تدریسی روغتون مسوولین کابل ته د دغې روغتیایی ډلې له راتګه هرکلی کوی او له نورو روغتیاپالانو هم غواړی، چې د افغان ناروغانو درملنه کې ونډه واخلی.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځنی، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوی.

ګهیځ نیوز، د اطلاع رسونې باوری سرچینه

زموږ خبری ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/