گهیځ
کابل-ګهیځ نیوز(د لړم / عقرب ۱۲ مه نېټه)
د ګهیځ نیوز د خبر له مخې د جرمني د بهرنیوچارو وزارت ویلي، حکومت یې ایران ته د خپلو وګړو د سفر ممنوعیت تمدید کړ او په ایران کې یې له جرمني وګړو وغوښتل، چې له هغه هېواده ووځي.
د دوی په خبره ایران کې دېره جرمني وګړي خپل ځانونه د اسلامي جمهوریت له لوري د برمته کېدو له ګواښ سره مخامخ کوي.
د لړم په اوومه نېټه ایران کې د جمشید شارمهد په نوم د ایراني الاصله جرمني وګړي له اعدام وروسته د جرمني حکومت په دې هېواد کې د ایران درې واړه قونسلګرۍ بندې کړې.
شارمهد څلور کاله مخکې د یوه کاري سفر په ترڅ کې له امریکا څخه هند ته تللی و او امریکا ته د راستنېدو پرمهال د متحده عربي اماراتو په دبۍ ښار کې د ایران د استخباراتي اجنټانو لخوا وتښتول شو، چې څو ورځې وروسته د حسن روحاني په مشرۍ د ایران د هغه مهال د استخباراتو وزیر ایران ته د نوموړي د انتقال خبر ورکړ.
شارمهد تورن و، چې امریکا کې د تندر په نوم د سلطنت غوښتونکو د یوې ډلې مشري کوي او د شېراز په حسینیه کې په یوه بمي برید کې هم لاس لري.
شارمهد او د هغه کورنۍ دا تورونه رد کړي وو.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/