گهیځ
کابل-ګهیځ نیوز(د مرغومي / جدی ۲۹ مه نېټه)
د ګهیځ نیوز د خبر له مخې د اوبو او برېښنا وزیر ملا عـ ـبدالطـ ـیف مـ ـنصور یوې خصوصي رسنۍ سره په تازه مرکه کې ویلي، پر کونړ سیند بند جوړېدو ته کلک هوډ لري او د جوړېدو هوکړه یې هم نږدې شوې ده.
نوموړي د زیاتو جزیاتو له ورکولو پرته ویلي، یوه بهرني شرکت سره هوکړې ته نږدې شوي، چې له مخې به یې نږدې راتلونکې کې ور سره قرارداد لاسلیک کړي.
د اوبو او برېښنا وزیر د معلوماتو له مخې پر کونړ سیند د جوړېدونکي بند تخنیکي مطالعات بشپړ شوي او له هوکړې وروسته به یې عملي چارې پيل شي.
نوموړي د تېرو حکومتونو له لوري د اوبو مدیریت ته نه پاملرنه، جګړه او نورې ناخوالې هغه لاملونه یاد کړي، چې د افغانستان اوبیزو سرچینو څخه د سمې استفادې پر وړاندې خنډ شوي.
د یادونې وړ ده، چې د اوسني حکومت په راتګ سره د هېواد اوبو مدیریت او د ځمکې لاندې اوبو ذخیرو پیاوړتیا ته پاملرنه زیاته شوې ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/