گهیځ
کابل-ګهیځ نیوز(د سلواغې / دلو ۲۴ مه نېټه)
د ګهیځ نیوز د خبر له مخې پېښو سره د مبارزې ادارې رییس نورالدین ترابي د ګېټس بنسټ له مشاورې انا ماریا سره په کابل کې کتلي او د بشري مرستو، ناچاوده توکو د عامه پوهاوي او د طبیعي پېښو د مدیریت په برخو کې یې د همکارۍ پر پراخولو خبرې کړي.
په دې ناسته کې نورالدین ترابي د ګېټس بنسټ له تېرو مرستو مننه کړې او له دې بنسټه یې غوښتنه کړې، چې د افغانستان له اړمنو وګړو سره خپلو بشري مرستو ته دوام ورکړي.
هغه زیاته کړه چې د پېښو سره د مبارزې اداره هڅه کوي، چې د ناورینونو مخنیوي او مدیریت ته ځانګړې پاملرنه وکړي او په دې برخه کې د نړیوالو مرستو دوام اړین دی.
په ورته مهال د ګېټس بنسټ مشاورې انا ماریا ویلي، یاد بنسټ به له پېښو سره د مبارزې ادارې سره خپلې مرستې او همکارۍ ته دوام ورکړي.
هغې همداراز پر نورو نړیوالو سازمانونو او خیریه بنسټونو هم غږ کړی، چې د افغانستان له اړوندو ادارو سره د بشري مرستو په برخه کې همکاري وکړي.
دا ناسته په داسې حال کې ترسره شوې، چې افغانستان د طبیعي پېښو، وچکالۍ او د ناچاوده توکو د ګواښ له ستونزو سره مخ دی.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/