گهیځ
کابل-ګهیځ نیوز(د کب/ حوت ۱۶ مه نېټه)
د ګهیځ نیوز د خبر له مخې رویټرز خبري آژانس د امریکا CIA مشر له قوله ویلي، چې تېره ورځ یې پر اوکراین تر نامعلومې نېټې استخباراتي معلومات بند کړل.
یاد آژانس ويلي، امریکا دغه فشار اوکرایین کې د سولې راوستو په موخه کړی، خو دغه اقدام کولی شي د اوکرایین دفاع ته ځان زیان ورسوي.
امریکا پر اوکراین د پوځي مرستو او استخباراتي معلوماتو بندېدل داسې مهال پیل کړل، چې د اوکراین ولسمشر ولادیمیر زیلنسکي له ټرمپ سره د کانونو د تړون په اړه جوړه شوې ناسته کې ناندرۍ ووهلې.
د CIA مشر جان راټکلیف ویلي، د امریکا دغه اقدام د اوکراین په ولسمشر د فشار په معنا دی، څو د اوکراین سولې په برخه کې د روسیې د توجو جلبولو په پروسه کې له ټرمپ سره مرسته وکړي.
د ټرمپ د ملي امنیت مشاور مایک والټرز خبریالانو ته ویلي، متحده ایالتونه د جګړې د ختمولو لپاره د سولې د مذاکراتو او د معدني موادو د حقوقو د تړون لاسلیک کولو لپاره په چټکۍ سره مخ په وړاندې درومي.
د سرچینو په حواله، اوکراین اړتیا لري چې پر روسیې د هوایي بریدونو په برخه کې د امریکا اطلاعاتو څخه کار واخلي او په دې برخه کې واشنګټن د جګړې له پیله له کیف سره مهم پوځي اطلاعات شریک کړي دي.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/