ګهیځ نیوز: نن چهارشنبه (د وري ۱۰مه او د مارچ ۳۰مه نېټه ده) بریټانیا د افغانستان لپاره د ملګرو ملتونو په نوښت د بسپنې د نړیوالې غونډې له جوړېدو یوه ورځ مخکې افغانانو ته د خوړو د برابرولو په موخه د ۳۷۴ ملیون ډالرو مرستې اعلان وکړ.
د غونډې تنظیموونکي هیله لري چې مرستندوی هېوادونه به له افغانستان سره د ۴،۴ میلیارده ډالره مرستو ژمنه وکړي.
د ملګرو ملتونو ویاند یینس لاییرک پرون ویلي چې دا مرستې به پر افغانستان واکمن حکومت ته نه، بلکې د مرستندویو موسسو له لارې ولګول شي.
![](https://www.gaheez.af/wp-content/uploads/2022/03/photo_2022-03-30_02-06-46-660x330.jpg)