گهیځ
ګهیځ نیوز: نن پنجشنبه (د چنګاښ یا سرطان ۲۳مه او د جولای میاشتې ۱۵مه نېټه ده) امریکا وايي، په افغانستان کې د تاوتریخوالي وروستۍ څپه په غور څاري او ټینګار یې کړی، چې واشنګټن د ا.ا پر وړاندې د تاوتریخجن مخالفت ملاتړ نه کوي.
دا څرګندونې ‘فارن ډېسک’ نشریې د امريکا د بهرنيو چارو وزارت وياند په خپاره کړي لیکلي پيغام کې کړي.
دغه امریکایي چارواکي جګړه کې پر ښکېلو غاړو د زغم غږ کړى او ويلي يې دې چې ستونزې دې د خبرو له لارې هوارې کړي.
وياند زياته کړې، دا يوازينې لاره ده چې پر مټ یې افغانستان کولاى شي خپلې ګڼې ننګونې ختمې کړي.
امريکا د ا.ا پر ضد د تاوترېخجن مخالفت د نه ملاتړ خبره داسې مهال يو ځل بيا تکراروي چې په دې وروستيو کې د افغانستان له ځينو سيمو د تاوتريخوالي زياتېدونکي رپوټونه رارسېدلي دي.