گهیځ
کابل/ګهیځ: نن سې شنبه (د لړم/عقرب درېیمه او د اکتوبر میاشتې ۲۵مه نېټه ده) ملګرو ملتونو اعلان کړی چې په افغانستان کې به د کړکېچ ځپلو ښځو لپاره د مرستو مرکزونه جوړ کړي.
د ملګرو ملتونو دفتر دوشنبه (د لړم پر ۲مه) پر ټویټر لیکلي چې دا مرکزونه د جاپان، د ژغورنې نړیوالې کمیټې او د ښځو د ځینو سازمانونو په همکارۍ جوړیږي.
ملګرو ملتونو ویلي چې له دغه پروګرام څخه به څه باندې پنځه زره ښځې ګټه پورته کړي او د دوی د ناستې لپاره به یو ځای ولري.
پر افغانستان د ا.ا له بیا ځلي واکمنۍ سره سم له افغانستان څخه د امریکايي ځواکونو له وتلو وروسته ډېرو نړیوالو مرستندویه بنسټونو افغانستان پرېښود، چې له امله یې په ډېرو ادارو کې د ښځو پر دندو بندیز ولګېد، له دندو بې برخې ښځې وايي چې دغه حالت یې روان ځپلی دی.
