گهیځ
پنجشنبه، د لړم ۱۹مه
کابل/ګهیځ: امنیتي چارواکو له کابل ښاریانو غوښتي چې د امنیتي وضعیت د ښه کېدا په موخه خپلو کورونو کې امنیتي کمرې ولګوي.
دا خبره د کابل امنیه قوماندانۍ ویاند خالد ځدراڼ له ملي ټلویزیون سره په یوه ځانګړې مرکه کې کړې.
ښاغلي ځدراڼ ویلي، د کابل ښار سراسر یې د امنیتي کمرو لګولو کمپاین پیل کړی، چې تر اوسه په بېلابېلو سیمو کې شاوخوا ۲ زره سي ټي وي کمرې لګېدلې دي.
هغه ټینګار کړی، چې د امنیتي وضعیت د ښه کېدا په موخه یې دا ګام پورته کړی دی.
خالد ځدراڼ په دې مرکه کې د کابل ښار پر اوسېدونکو غږ کړی، چې په خپلو کورونو کې د امنیتي کمرو په لګولو سره له حکومت سره د امنیت په ټینګښت کې خپله مرسته ثابت کړي.
هغه ویلي، دا کار د زور او جبر له لارې نه بلکې خلک له خپلې خوښې سره سم کولی شي په دې کمپاین کې برخه واخلي.
