گهیځ
جلال آباد- ګهیځ نیوز-( د قوس ۱۵مه، ۱۴۰۱):
د ننګرهار ولایت مرکز د جلال آباد ښار د غلام الله په صرافۍ مارکیټ کې یوې چاودنې څو تنه ټپیان کړي دي.
له جلال آباد څخه د ګهیځ نیوز خبرالل خبر راکوي چې دغه چاودنه شا او خوا یوه بجه د غلام الله د صرافۍ په مارکیټ کې د پیسو د پېر او پلور په ګڼه ګوڼه کې شوې چې د لومړنیو راپورونو پر بنسټ یې درې تنه ټپیان کړي دي.
په جلال آباد ښار کې ددې چاودنې راپور پداسې حال کې خپرېږي چې تر دې وړاندې د هېواد په پلازمینه کابل کې د پاکستان پر سرپرست سفیر وسله وال برید وشو او په ورته ورځ د حزب اسلامي د مشر انجنیر حکتمیار هستوګنځي ته نژدې پر ده خپله د مرګوني برید هڅه وشوه.
د جلال آباد ښار ددې پېښې په تړاو تر اوسه ډېر تفصیلات په لاس کې نشته خو د پېښې عیني شاهدان وایي چې کېدای شي د چاودنې له امله اوښتي زیانونه هم زیات وي.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/