گهیځ
کابل-گهیځ نیوز( د قوس/ليندۍ ۲۷):
د راپورونو له مخې د خېبر پښتونخوا په لکي مروت سیمه کې د پولیسو پر تاڼه د وسلوالو له لوري راکېټ په ګډون د درنو وسلو برید شوی چې په کې درې پاکستاني عسکر وژل شوي او څلور نور ژوبل دي.
له سیمې څخه امنیتي سرچینو رسنیو ته ویلي چې برید لکي مروت کې د سرای نورنګ تحصیل په برګي تاڼه شوی دی.
د وژل شوي پاکستاني عسکر ابراهیم، عمران او خیرالامین نومیږي.
ژوبلو کې بیا بلقیاز، امیر نواز، فرمان او سبزعلي شامل دي.
د دغې برید مسوولیت چا تر اوسه نه دی منلی، خو میاشت وړاندې یو بل برید چې همدې لکي مروت کې ترسره شوی و او شپږ پاکستاني عسکر په کې وژل شوي و، مسوولیت یې تحریک طالبان پاکستان منلی و.
پاکستان کې تحریک طالبان پاکستان وسلوالو یو وار بیا خپلو بریدونو ته زور ورکړی دی.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/