گهیځ
کابل-ګهیځ نیوز( د جدی/مرغومی ۸ مه نېټه):
په داسې حال کې چې نن د هوا پېژندنې ملي ادارې د افغانستان په ۱۳ ولایتونو کې د واورې او بارانونو اټکل کړی، کابل خپل سهار د واورې په سپین اورښت سره پیل کړ.
کابل چې ډېر کله ترې د ژمي په موسم کې د ککړې هوا له امله شکایتونه کیږي، د روغتیايي مسوولینو په خبره د واورو دغه اورښت به د هوا په پاکوالي کې ډېره مرسته وکړي او د هوا ککړوالي له امله پیدا شوې ناروغۍ به کمې شي.
د هوا پيژندې ملي ادارې د اټکل په اساس هرات، فراه، غور، بادغیس، دایکندي، بامیان، میدان وردګ، ارزګان، هلمند، کندهار، زابل، غزنی او پکتیکا ولایتونو کې به هم د باران او واورې اوښتونه ترسره شي.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې لۀ خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/