گهیځ
کابل-ګهیځ نیوز( د دلو/سلواغه ۱۹ مه نېټه):
د نړیوالو رسنیو د خبر له مخې ترکیه او سوریه کې د شوې زلزلې له امله د مړو شویو کسانو شمېر له اته زرو څخه واوښت.
د دغو رسنیو د خبر له مخې یاده پېښه کې زرګونه کسان ژوبل شوي او په میلیونونو کسان بې کوره شوي دي.
رسنیو د ځایی چارواکو له قوله ویلي، چې د ړنګو ودانیو لاندې د بند پاتې کسانو د وېستلو په اړه عملیات په چټکۍ سره روان دي.
د راپورونو له مخې د ترکیې ولسمشر رجب طیب اردغان د خپل هېواد په لسو ولایاتو کې بېړنی حالت اعلان کړی دی.
د دغې زلزلې د پېښېدو چې نږدې اته څلوېښت ساعته کیږي، هره لحظه یې د مړو په شمېر کې د ډېرښت خبرونه ورکول کیږي.
خبرونه وایي، چې دغې زلزلې یوازې ترکیه کې د ۵ زره ۷ سوو په شاوخوا کې اپارتمانونه په کامله توګه نړولي دي.
د روغتیا نړیوال سازمان تېره ورځ ویلي و، چې ښایي دغو دوو هېوادونو کې د مړو شویو کسانو شمېر شل زره تنو ته ورسیږي.
ـــــــــــــــــــــــ
د نورو خبرونو لپاره زموږ له ټلیګرام، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
Web:
FB page:
https://www.facebook.com/Gaheez-News-105079805744164/