گهیځ
کابل-ګهیځ نیوز( د حوت/کب ۲۷ مه نېټه):
د راپورونو له مخې د متحده عربي اماراتو د پلاوي مشر عمر حبتور الدرعي ویلي، چې افغانستان ته د خپل سفر په ترڅ کې يې چې ګڼ مثبت پيغامونه ترلاسه کړل او په وینا یې هڅه کوي چې دغه پیغامونه تر نورې نړۍ ورسوي.
راپورونه زیاتوي، چې په دې لیدنه کې د افغانستان په سياسي، اقتصادي او امنيتي وضعیت هم خبرې شوې دي.
یاد پلاوي له افغانستان سره په بېلابېلو برخو کې د همکارۍ او د افغانانو د لاس نیوي ډاډ ورکړی دی.
دغه لیدنه کې د کورنیو چارو سرپرست وزیر یاد پلاوي ته د نجونو د زده کړو په اړه ویلي، چې سرپرست حکومت د خلکو ټولو شرعي حقونو ته ژمن دی او د نجونو پر زده کړو لګېدلی محدودیت دایمي نه دی.
تر دې وړاندې هم د اسلامي همکاریو د سازمان په ګډون یو شمېر پلاوي د سرپرست افغان حکومت له چاوراکو سره د خبرو لپاره افغانستان ته راغلي و.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/