گهیځ
په خواشـــــــینۍ ســـره مو خبر ترلاسه کړ چې د افغانستان وتلی ژورنالیست او ملی رسنیز شخصیت محمد اکبر ایازی د ورپېښې ناروغۍ له امله له فانی نړۍ سترګې پټې کړې دی.
انا لله و انا الیه راجعون
ګهیځ د لیکوالو او ژورنالیستانو ټولنه په داسې حال کې چې په رسنیز ډګر کې د مرحوم محمد اکبر ایازی، خدمتونه او فعالیتونه د افغانستان لپاره بنسټیز او ارزښتناک ګڼی، د نوموړی مړینه د افغانستان د رسنیو ستری کورنۍ او نویو په پښو راغلیو رسنیو ته یوه ستره او نه جبرانېدونکې ضایعه ګڼی.
ګهیځ د لیکوالو او ژورنالیستانو ټولنه همدارنګه د افغانستان د رسنیو ستر کور، د مرحوم ایازی ټولې کورنۍ او په ټوله کې د افغانستان ولس ته د دې ضایعې له امله د زړه له کومی تسلیت وړاندې کوی او په داسې حال کې چې نوموړی ته له الله نه مغفرت او جنت غواړو، کورنۍ او لارویانو ته یې هم د جمیل صبر او اجر غوښتونکی یو.
د ګهیځ د رسنیو او نشراتو څانګه
