گهیځ
کابل-ګهیځ نیوز( د دلو/سلواغه ۲۴ مه نېټه):
د نړیوالو رسنیو د راپورونو له مخې ترکیه او سوریه کې د شوې زلزلې لۀ امله د مړو شویو کسانو شمېر له ۳۵ زره تنو څخه پورته شو.
تر دې وړاندې د روغتیا نړیوال سازمان دغو زلزلو کې د ۲۰ زره کسانو د مړینې اټکل کړی و، خو اوس راپورونه ښیي چې د مړو شمېره له دغې اټکله نږدې دوه برابره زیات شوی دی.
د نړیوالو رسنیو د خبر له مخې دواړو هېواونو کې لا هم د ژغورنې عملیات روان دي، چې ښایي د مړو شویو کسانو شمېر نور هم لوړ شي.
تر دې وړاندې د ترکیې د بېړنیو حالاتو د ادارې مرکز ويلي و، چې له دغې زلزلې څخه خپره شوې انرژي د ۵ سوه اټومي بمونو له زیان سره برابره وه.
دغو زلزلو کې له یو لک څخه د زیاتو کسانو د ټپي کېدو او د میلیونونو نورو د بې ځایه کېدو راپورونه ورکړل شوي.
ـــــــــــــــــــــــ
د نورو خبرونو لپاره زموږ له ټلیګرام،ټویتر، ویب سایټ او د فېسبوک پاڼې له خبري چینلونو سره ملګري شئ⬇️
Tel:
https://t.me/+Vy9GsPl90MY3NjVl
twitter:
Tweets by GaheezAgency
Web:
FB page:
https://www.facebook.com/Gaheez-News-105079805744164/
