گهیځ
سبا به ازبکستان د شانګهای سازمان غوڼډې کوربه وي
ګهیځ نیوز: نن پنجشنبه (د وږي/سنبلې ۲۴مه او د سپټمبر میاشتې ۱۵مه نېټه ده) د شانګهای په غونډه کې به افغانستان د بحث له مهمو موضوعاتو وي خو د ګډون بلنه نه ده ور کړل شوې.
سبا په ازبکستان کې د شانګهای سازمان غوڼډه پیلېږي او هغه هېوادونه به په کې ګډون کوي چې د دغه سازمان غړي دي خو افغان لوری دې غونډې ته نه دی ور بلل شوی.
له دې وړاندې ویل شوي و، چې اوکراین او افغانستان به د سبانۍ غونډې مهم بحثونه وي.
د شانګهای غونډې مشري هم د کوربه هېواد ولسمشر په غاړه لري، چې تر دې وړاندې یې له افغانستان سره د سیمې هېوادونو پر همکارۍ ټینګار کړی.
ده ویلي و، چې افغانان مرستو ته اړ دي او د افغانستان ثبات د سیمې لپاره مهم دی نو ټول دې په دې اړه په خپلو تګلارو کې اړینه همغږي رامنځته کړي.
